Yang sudah jatuh Tra bole diambil (Mop Papua)

Juni 29, 2009 at 4:33 am (ANEKDOT)

uang
Ada satu Tete dia datang kekota, tapi sudah lama dikota dia punya anak tra mau ajak dia jalan-jalan padahal dia ingin sekali jalan-jalan ke kota, satu hari dia protes,

“Pokoknya kalau kamu orang tra mau ajak sa jalan-jalan sa mau pulang kampung saja.”

Begini dia punya cucu ajak dia jalan-jalan ke kota tapi dengan perjanjian Tete tra boleh bikin malu dan kalo liat barang yang su jatuh kita tra boleh ambil…

Tete setuju, trus dong dua jalan sampai di kota dia punya cucu liat uang 10.000,- jatuh dia korek dia punya Tete,

“Tete…ada uang 10.000,- jatuh tong ambil ka…”

Tete kasih ingat cucu… “Ko su lupa dengan tong dua pu perjanjian?”

Cucu bilang, “Iyo tete sa lupa berarti sekarang tong dua jalan sudah”

Tra lama tete yang gantian liat uang 100.000,- jatuh trus tete bilang sama dia pu cucu…

“Cucu… ada uang 100.000,- jatuh lumayan buat tambah-tambah jajan…”

Dia pu cucu larang tete, “Ko tra ingat perjanjian ka…”

Tete bilang, “Yo… tra papa sudah sekarang tong dua lanjut jalan…”

Tapi dalam perjalanan tete trus ingat itu uang 100.000,- sampai dia tra sadar dia masuk dalam got… lalu tete batariak…

“Cucu… ko tolong tete dulu tete ada jatuh di got… tempo ko tolong dulu…”

cucu balik muka dan bilang sama tete ” TETE KO LUPA PERJANJIAN KA… APA YANG SU JATUH TRA BOLEH DIAMBIL TO…..”

Tete bilang, “Dasar cucu kurang ajar…”

4 Komentar

  1. arie said,

    hahahahaee sadap kawan… ko pu mop keren skali..sa su lama tra dengar mop.. tp sa baca deng sa dengar lain jadi sa tra bisa keatawa besar.. coz nanti sa pu teman2 bingung…

    mantap kawan. ko bisa kirim mop ke sa pu email kah..

  2. Diana Indriati said,

    hehehhee…iyo arie😀 sa juga su lama tra pernah dengar mop-mop papua begini e…padahal dulu kalo dimanokwari, kalo su baku kumpul-kumpul. pasti mop sudah😀 ketawa sampe poro sakit e:D

  3. carlyn said,

    ale,,dong pu mop tra kosong,bisa kirim saya mop k??soalnya saya mau buat buku tentang mop.

  4. Diana Indriati said,

    nanti…masih cari dulu mop nya😀

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: